फाइल तस्बिर

विराटनगरः ‘विप्लव’ नेतृत्वको नेकपाका प्रवक्ता खड्गबहादुर विश्वकर्मा ‘प्रकाण्ड’ का छोरा आज साँझ विराटनगरमा पक्राउ परेका छन् ।

प्रकाण्डका छोरा नरेन्द्र विश्वकर्मालाई विराटनगर विमानस्थलबाट नाइन एमएम पेस्तोलमा लोड हुने ३ वटा गोलीसहित पक्राउ गरिएको प्रहरीले जनाएको छ ।

उनी यति एयरलायन्सको जहाजबाट साँझ ६ बजे काठमाडौं जान लागेको प्रहरीले जनाएको छ । उनको पहिचान भने प्रहरीले खुलाएको छैन ।

पक्राउ परेका युवाका बारेमा विस्तृत अनुसन्धानपछि मात्रै भन्न सकिने भनेर प्रहरीले भने विस्तृत विवरण दिएको छैन ।