धरानः धरान प्रहरीले गाँजा कारोबारमा संलग्न २ जनालई पक्राउ गरेको छ । उनीहरूको साथबाट ५ किलो गाँजा र २८ हजार रुपैयाँ बरामद गरिएको इलाका प्रहरी कार्यालय धरानका डिएसपी सुमन तिम्सिनाले बताए । उनीहरूलाई शनिबार राती धरान–१७ स्थित डाँडाघोपा चोकबाट पक्राउ गरिएको उनले बताए ।

पक्राउ पर्नेहरूमा धनकुटाको साँगुरीगढी गाउँपालिका–९ बस्ने २५ वर्षीय राजकुमार राई र धरान– १७ नमूना मार्ग बस्ने २२ वर्षीय नमन खत्री रहेका छन् ।

राती करिब २ बजे को १६ प २५१५ नम्बरको मोटरसाइकलसहित उनीहरूलाई प्रहरीले पक्राउ गरेको बताइएको छ । उनीहरूलाई लागूऔषध ऐन अनुसार मुद्दा चलाउने तयारी भएको डिएसपी तिम्सिनाले बताए ।