ताप्लेजुङ: ताप्लेजुङ प्रहरीले १३ वर्षीया बालिकालाई बलात्कार प्रयास गरेको आरोपमा फुङलिङ नगरपालिका–१ का २१ वर्षीय मेखराज सार्कीलाई पक्राउ गरेको छ ।
गत माघ २१ गते साँझ फुङलिङ नगरपालिका–२ स्थित जंगलमा त्रासमा पारी बलात्कार प्रयास गरेको आरोपमा उनलाई पक्राउ गरिएको प्रहरीले जनाएको छ । प्रहरीकाअनुसार पीडितको माघ २१ गते नै जिल्ला अस्पतालमा स्वास्थ्य परिक्षण गरिएको थियो । घटनाबारे अनुसन्धान भईरहेको बताईएको छ । सार्कीलाई फुङलिङबाटै मंगलबार पक्राउ गरिएको बताईएको छ ।
यसैबीच, फुङलिङ नगरपालिका–४ का २४ वर्षीय कुलमान विकलाई सार्वजनिक उपद्रयाँई गरि अभद्र व्यवहार गरेको आरोपमा प्रहरीले पक्राउ गरेको छ । फुङलिङ नगरपालिका–२ का ५२ वर्षीय चन्द्र बहादुर डाँगीलाई अश्लिल शब्दमा गालीगलौज गरी धाकधम्की दिदै दाउराको चिरपटले प्रहार गरी घाइते बनाएको आरोपमा पक्राउ गरेको हो ।
विकले माघ २१ गते हेलिप्याड स्थित सडकमा आफूमाथि गरेको व्यवहारसहित पीडितले प्रहरीमाउजुरी दिएपछि पक्राउ गरि अनुसन्धानजारी राखेको प्रहरीले जनाएको छ ।
_1720278409.jpg)
