सङ्खुवासभाः यही चैत ७ गते आफ्नै बाबुमाथि खुकुरी प्रहार गरी फरार भएका खाँदबारी –११, खाईसोङ, सुनखानीका २८ वर्षीय सञ्जय राई पक्राउ परेका छन् ।

राईले बाबुमाथि खुकुरी प्रहार गरी हत्या गरेर फरार भएका थिए । प्रहरी निरीक्षक कालमान राई सहितको प्रहरी टोलीले मिति शनिबार खाँदबारी नगरपालिका वडा नं.–११ स्थित निजकै घर छेउमा रहेको जङ्गलमा लुकेर बसेको अवस्थामा उनलाई पक्राउ गरेको थियो । उनलाई कर्तव्य ज्यान मुद्दामा मुद्दा दर्ता गरी थप अनुसन्धान भइरहेको प्रहरीले जनाएको छ ।