ताप्लेजुङः बालिका बलात्कारको अभियोगमा ताप्लेजुङको आठराई त्रिवेणी गाउँपालिकाका ३ जनालाई प्रहरीले पक्राउ गरेको छ । स्थानीय १६ वर्षीया बालिकालाई गत जेठदेखि चैतसम्म अलगअलग स्थानमा विभिन्न प्रलोभन र धम्कीसहित बलात्कार गरेको आरोपमा उनीहरूलाई पक्राउ गरिएको जिल्ला प्रहरी कार्यालय ताप्लेजुङले जनाएको छ ।

घटनाको सम्बन्धमा अनुसन्धान भइरहेको ताप्लेजुङ प्रहरी प्रमुख तथा प्रहरी नायब उपरीक्षक सञ्जयसिंह थापाले जानकारी दिए ।