धनकुटाः धनकुटा नगरपालिका–२ भीरगाउँ निवासी २७ वर्षीय मानबहादुर दर्लामीको हत्या भएको प्रहरीले जनाएको छ ।
जिल्ला प्रहरी कार्यालय धनकुटाका प्रहरी निरीक्षक सुरज खड्काका अनुसार दर्लामीको शव उनको घरमा आइतबार बिहान फेला परेको थियो । परिवारले बिहान रगत बगिरहेको अवस्थामा भेटेपछि प्रहरीलाई खबर गरेको थिए ।
उनी राति कतिबेला घर आए भन्ने समेत परिवारलाई जानकारी नभएको बताइएको छ । उनको अनुहार र शरीरका विभिन्न भागमा आक्रमण गरिएका घाउ र खत हुनुका साथै डढेको भेटिएको प्रहरीको भनाइ छ ।
उनको घरबाहिरै हत्या गरेर घरमा लगेर सुताएको हुन सक्ने जिल्ला प्रहरी कार्यालयको अनुमान छ । घटनाको अनुसन्धानको क्रममा शङ्कास्पद २ जनालाई पक्राउ गरिएको प्रहरीले जनाएको छ ।
_1720278409.jpg)
