ताप्लेजुङः जिल्लाको प्रख्यात धार्मिक स्थल पाथीभरा मन्दिरको दर्शन गरी फर्किएको गाडी दुर्घटनामा परेको छ । हिजो राती करिब १० बजे भएको दुर्घटनामा परी ११ जना तीर्थालु घाइते भएका र तीमध्ये ५ जनाको अवस्था गम्भीर रहेको ताप्लेजुङ प्रहरीले जानकारी दिएको छ ।

मन्दिर दर्शन गरेर मे १ ज १४८६ नम्बरको ट्याक्सी चढी फर्किएका बारा जिल्लाका नागरिक सुकेटार विमानस्थल नजिक आइपुग्दा दुर्घटनामा परेका हुन् ।

गम्भीर घाइते भएका ५ जनाको उपचारका लागि जिल्ला बाहिर पठाइएको छ भने ६ जनाको जिल्ला अस्पतालमै उपचार भइरहेको प्रहरीले जनाएको छ ।