पथरी: मोरङको पथरीशनिश्चरे नगरपालिका – १ मा आज बिहान एक महिलाको नग्न अवस्थामा शव फेला परेको छ । सोही ठाउँमा वीरबहादुर बस्नेतको घरमा डेरा लिएर बस्दै आएकी २९ वर्षीया रुपा बस्नेतको शव घर अगाडी घोप्टे परेको नग्न अवस्थामा फेला परेको हो ।

महिलाका श्रीमान् सन्तोष बस्नेत युएईमा वैदेशिक रोजगारका क्रममा रहेका छन् । डेरामा रिना र १३ वर्षीया छोरा साईमन बस्नेत बस्दै आएका थिए । आमा र छोरा शुक्रवार राती पथरीशनिश्चरे – १ को प्रस्तावित रङ्गशालामा कन्सर्ट हेरेर रातको ११ बजे डेरा आएका थिए ।

बिहान स्थानीयबासीले शव देखेपछि प्रहरीलाई खबर गरेका थिए । घटनाबारे अनुसन्धान भइरहेको इलाका प्रहरी कार्यालय पथरीका प्रहरी निरीक्षक कमल बजगाईँले जानकारी  दिए ।