पथरी : नाै दिन अघि पथरीमा रहस्यमय ढंगले मृत्यु भएकी रीना बस्नेतकाे आज दाहसंस्कार भएकाे छ । उनका आफन्तले सुनसरीस्थित सप्तकाेशी नदिमा अन्तिम संस्कार गरेका हुन् ।
मोरङको पथरीशनिश्चरे नगरपालिका–१ मा मृत फेला परेकी रिना बस्नेतको हत्या भएकाे भन्दै पथरीवासी आन्दाेलित छन् । छाेरासँग डेरामा बस्दै आएकी उनकाे बैशाख ७ गते शनिवार निर्वस्त्र मृत भेटीएकी थिइन । रहस्यमय मृत्यु भए पनि प्रहरीले उचित छानबिन गर्न नसकेकाे भन्दै पथरीवासी अान्दाेलित थिए । उनिहरूले बजार पसल बन्द गराइ साेमवार देखि अान्दाेलन चलाएका थिए । मंगलवार पथरीमा झडप समेत भएकाे थियाे । जसमा ७ जना घाइते भएका थिए ।
वीपी काेइराला स्वास्थ्य विज्ञान प्रतिष्ठानकाे मर्चरीमा रहेकाे रीनाकाे शवलाइ अाज चतरा घाटमा दाहसंस्कार गरिएकाे अाफन्तले जानकारी दिएका छन् । प्रतिष्ठानमा भएकाे पाेस्टमार्टमकाे प्रारम्भिक रिपाेर्टमा उनकाे टाउकाे र छातीमा चाेट देखिएकाे र मृत्युकाे कारण पनि साेहि हुन सक्ने प्रहरीले जानकारी दिएका छन । तर, स्थानीय याे कुरा मान्न तयार छैनन । विभिन्न शंकास्पद दृष्य हुँदा हुँदै प्रहरीले अनुसन्धान फितलाेढंगले गरेकाे भन्दै संघर्ष समिति बनाएरै अनुसन्धान गर्नुपर्ने उनिहरूकाे माग छ ।
_1720278409.jpg)
