बेलबारीः मोरङको सुन्दरहरैंचाको सलकपुरमा बसको ठक्करबाट १ जनाको मृत्यु भएको छ । पूर्वबाट पश्चिम जाँदै गरेको को १ ख २१८२ नम्बरको बसले ठक्कर दिँदा पूर्व दिशातिर आइरहेको मे १० प ६२११ नम्बरको मोटरसाइकलमा सवार २५÷२६ वर्षीय झापाका जीवन राईको मृत्यु भएको इलाका प्रहरी कार्यालय बेलबारीले जनाएको छ ।
बसको ठक्करबाट घाइते भएका राईलाई उपचार गर्न अस्पताल लैजाँदै गर्दा बाटोमै मृत्यु भएको प्रहरीले जनाएको छ । बसका चालक झापाका लक्ष्मण तामाङ तथा बस प्रहरी चौकी गछियाको नियन्त्रणमा रहेको छ ।