विराटनगर: विराटनगर ५ सम्झना चोकमा शनिबार दुई मोटरसाईकल एक आपास ठोक्किदा ४ जना गम्भीर घाइते भएका छन् । विपरीत दिशाबाट आईरहेको को.३३प ४७३४ नम्बरको पल्सर र स.९ प ९७०६ नम्बरको अपाची बाईक एक आपसमा आज बिहान साढे ११ बजेतिर ठोक्किएको प्रहरीले जनाएको छ ।

घटनामा घाइते हुनेमा सप्तरी निवासी वर्ष १८ मनिष यादव, रुपनीका १८ वर्षीय प्रमोद यादव तथा लाहान ५ का २५ वर्षीय विनोद अधिकारी र २२ वर्षीय दिनेश साह रहेको जिल्ला ट्राफिक प्रहरी कार्यलय मोरङका प्रहरी निरीक्षक शिव कुमार पोखरेलले जनकारी दिए ।
विराट नर्सिङहोममा रहेका चारमध्ये तीनजना सिकिस्त भएकोले आइसीयूमा राखेर उपचार भइरहेको बताइएको छ ।