लाखाैँ ठग्ने इटहरीकी सञ्जु बस्नेतविरूद्द अदालतकाे यस्ताे फैसला

  • जेठ २, २०७६
  • ४९३९ पटक पढिएको
  • प्रदेश पोर्टल
alt

इटहरीः विभिन्न व्यक्तिसँग रकम लिएर फिर्ता नगर्ने इटहरीकी सञ्जुु बस्नेतविरुद्ध जिल्ला अदालत सुनसरीले गरेको फैसला उच्च अदालत विराटनगरले सदर गरिदिएको छ । बैंकिङ अपराधमा संलग्न रहेको भन्दै उनीविरुद्ध मुुद्दा दायर भएको थियो । सुुनसरी जिल्ला अदालतले गत साल असार ६ गते १८ लाख १६ हजार रुपैयाँ बिगो, सोही बमोजिम जरिवाना र २७ दिन कैद सजायको फैसला सुनाएको थियो ।

सुनसरीका तिलकप्रसाद निरौलाले ११ लाख ५० हजार, सुन्दरहरैँचाका अपिल लामाले १ लाख, इटहरीका प्रदीप गौतमले २ लाख ८० हजार, दिनेश बराइलीले ८० हजार र भद्रावती लिम्बूले २ लाख ६० हजार रुपैयाँ ठगिएको भन्दै बस्नेतविरुद्ध मुद्दा दायर गरेका थिए । त्यसपछि इटहरी प्रहरीले पक्राउ गरी बस्नेतको मुुद्दा प्रक्रिया अघि बढाएको थियो ।
जग्गाको कारोबार गर्ने भन्दै बस्नेतले अरु व्यक्तिको जग्गा देखाएर बैना लिने बस्नेतले धेरै व्यक्तिलाई ठगेको प्रहरीमा उजुरी परेको थियो । तीमध्ये माथि उल्लेखित व्यक्तिलाई उनले चेकमार्फत् रकम फिर्ता गरेकी थिइन् । तर, चेक बाउन्स भएको भन्दै उनीविरुद्ध मुुद्दा दायर भएको थियो ।

बैंकिङ कसुर ऐन अन्तर्गत उनीविरुद्ध मुुद्दा चलाइएको र जिल्ला अदालतले बस्नेतलाई कैद तथा जरिवाना गर्ने फैसला गरेको थियो । सो फैसलालाई उच्च अदालत विराटनगरले बैशाख १६ गते सदर गरिदिएको रजिष्टार ठगेन्द्र कट्टेलले जानकारी दिए । उच्च अदालतका मुख्य न्यायाधीश शिवराज अधिकारी र न्यायाधीश शेखरप्रसाद पौडेलको संयुक्त इजलासले यस्तो निर्णय गरेको थियो ।

इटहरी क्षेत्रका विभिन्न व्यक्तिले उनीविरुद्ध प्रहरीमा उजुरी दिएका थिए । विभिन्न पेशामा आबद्ध व्यक्तिलाई निशाना बनाउने उनले जग्गाको कारोबार गर्ने भन्दै सम्बन्ध विकास गर्ने र जग्गा देखाई अग्रिम पैसा लिएर बेपत्ता हुने गरेको पीडितको भनाइ छ ।
सस्तोमा जग्गा दिलाइदिने भन्दै शुरुमै पैसा लिने र पास गराइदिने भाका राखी लामो समयसम्म पैसा नदिई आलटाल गर्दै धेरै मान्छेलाई ठगी गर्ने उनको प्रोफेसनल धन्दा भएको पीडित बताउँछन् ।

प्रतिक्रिया दिनुहोस

नेपाली सेनाको ‘एक सि ...

धनकुटाः धनकुटामा नेपाली सेनाले ‘एक सिपाही, एक फलफूलको बिरुवा’ अभियानको प्रारम्भ गरेको छ ...

आयोजकलाई हराउँदै ब्व ...

बेलबारीः आयोजक नीलोलाई हराउँदै ब्वाइज युनियन काठमाडौ मोरङको भाउन्नेमा भइरहेको तेस्रो डाँगीहाट गोल्डक ...

निर्वाचन क्षेत्र नम् ...

धरानः निर्वाचन क्षेत्र स्थानीय पूर्वाधार विकासका लागि सुनसरीको क्षेत्र नम्बर १ मा सडक निर्माणलाई पहि ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved