धरानः चोरीको स्कुटरसहित धरानबाट प्रहरीले १ जनालाई पक्राउ गरेको छ । धरान–१५ की हेमरा राईले आफ्नै घरमा राखेको को २६ प ३५८१ नम्बरको स्कुटर जेठ १ गते हराएको थियो ।

स्कुटर हराउनासाथ प्रहरीलाई जानकारी दिइएकाले धरानका सबै नाक र सडकमा चेक प्वाइन्ट राखी जाँच गर्ने क्रममा जेठ २ गते प्रहरीले स्कुटर फेला पारेको बताइएको छ । सो दिन बिहान ७ बजे धरानबाट इटहरी लैजाँदै गरेको अवस्थामा धरान– १८ का १८ वर्षीय अर्जुन श्रेष्ठलाई पक्राउ गरिएको प्रहरीले जनाएको छ । उनलाई चोरी मुद्दामा अनुसन्धान शुरु गरिएको बताइएको छ ।