इटहरीः झापाबाट काठमाडौंका लागि छुटेको बस त्रिशुलीमा खसेको छ । धादिङको गजुरी गाउँपालिका–६ को बन्छेटार भन्ने स्थानबाट त्रिशुली नदीमा बस खसेको हो । काकडभिट्टाबाट छुटेको ना ७ ख ४३८७ नम्बरको बस आज बिहान ६ बजे नदीमा खसेको प्रहरीले जानकारी दिएको छ ।

बसमा सवार ५ जनाको ज्यान गएको हो । २९ जना घाइतेमध्ये १४ जनाको स्थानीय स्वास्थ्य केन्द्रमा उपचार भइरहेको बताइएको छ । बस सडकभन्दा ६० मिटर तल खसेको थियो । नदीमा खसेको बसलाई तान्ने प्रयास भइरहेको जिल्ला प्रहरी कार्यालय धादिङले जनाएको छ ।