इटहरीः झापाबाट काठमाडौं जाँदै गरेको बस बिहीबार राती सिरहाको मिर्चैया नगरपालिकास्थित प्रयागपुर चोकमा दुर्घटना भएको छ । बस र ट्रक एकआपसमा ठोक्किँदा २ जनाको मृत्यु भएको प्रदेश १ ट्राफिक कार्यालय इटहरीले जानकारी दिएको छ। बसमा सवार अन्य २५ यात्रु घाइते भएका छन्।

झापाबाट काठमाडौं जाँदै गरेको ना ८ ख ९८२ नम्बरको बस विपरीत दिशाबाट आइरहेको ना ३ ख ४२६४ नम्बरको ट्रकसँग ठोक्किएर दुर्घटना भएको हो । प्रहरीले दिएको जानकारीअनुसार २५ घाइतेमध्ये १० जना गम्भीर रहेका छन् ।
हालसम्म मृतकको पहिचान हुन सकेको छैन ।