भोजपुरः भोजपुरको साल्पासिलिछो–६, दोभाने सालेवाकी ११ वर्षीया बालिकाको बलात्कारपछि हत्या गरेको आरोपमा स्थानीय २० वर्षीय सञ्जय राई पक्राउ परेका छन् ।
पक्राउ परेका राई स्थानीय खच्चड व्यवसायी भएको बताइन्छ । घटनाअनुसार आइतबार बेलुकी मोबाइलमा फिल्म हेर्दै सुतेकी बालिकालाई राईले बलात्कारपछि हत्या गरेको प्रहरीको भनाइ छ ।
बलात्कारको घटना थाहा हुने डरले बालिकाको घाँटी थिचेर हत्या गरेको हुन सक्ने प्रहरीको भनाइ छ । उनलाई सोमबार प्रहरीले नियन्त्रणमा लिएको र थप अनुसन्धान भइरहेको बताइएको छ ।