धरानः शङ्कास्पद अवस्थामा २ जना सवार को ८ प २१९१ नम्बरको स्कुटर जाँच गर्ने क्रममा प्रहरीले हिजो दिउँसो २ जनालाई लागूऔषधसहित पक्राउ गरेको छ ।
इलाका प्रहरी कार्यालय धरानबाट खटिएको प्रहरी टोलीले धरान–८ स्थित सभागृह मार्ग सडकबाट उनीहरू पक्राउ परेका हुन् । पक्राउ पर्नेमा धरान–१५ का ३७ वर्षीय अर्जुन तामाङ र ३४ वर्षीय जीवन रानामगर रहेका छन् । उनीहरूको साथबाट फेला परेको अवैध लागूऔषध डाइजेलाप ३० एम्पुल लुपिजेसिक २९ एम्पुल र फेनारगन २९ एम्पुल तथा सवारी साधन बरामद गरिएको प्रहरीले जनाएको छ । पक्राउ परेकामाथि थप अनुसन्धान भइरहेको प्रहरीको भनाइ छ ।
_1720278409.jpg)
