कतार पुगेको २ महिनामै नेपाल फकाईदिन आग्रह

  • असार २६, २०७६
  • ४२८ पटक पढिएको
  • उत्तम पोख्रेल
alt

बेलबारीः मोरङको सुन्दरहरैंचाकी १ जना महिलाले कतार पुगेको २ महिना नबित्दै उद्धारका लागि आग्रह गरेकी छिन् । सुन्दरहरैंचा नगरपालिका–१० की तीर्था बिकले आफूलाई चाँडो उद्धार गरेर नेपाल झिकाइदिन आग्रह गरेकी हुन् ।

बिकले श्रम तथा रोजगार कार्यालय विराटनगरका प्रमुख एवं वरिष्ठ श्रम अधिकृत प्रेमप्रसाद सञ्जेलसँग यस्तो आग्रह गरेकी हुन् । गत जेठ १४ गते नेपालकै बाटोबाट कतार पुगेकी उनले दोहोरो टेलिफोन संवादमा त्यहाँ आफूले भोगेका सबै पीडा सञ्जेललाई सुनाइन् । ‘आफ्ना पीडा पोख्ने क्रममा फोनमै उनी धेरै बेर रोइन्’, सञ्जेलले भने ।

कतारको घाजी अब्बु ट्रान्सपोर्ट एण्ड सर्भिस नामक कम्पनीले बन्धक बनाएर राख्दै आफूलाई विभिन्नखाले यातना दिइरहेको तीर्थाले सुनाइन् । अस्पताल र स्कुल सरसफाइको काममा भनेर लगिए पनि अहिलेसम्म आफूलाई काममा नलगाई कुटपिट गर्ने, राम्ररी खान नदिने, दुव्र्यवहार गर्ने, अनैतिक काम गर्न दबाब दिने र सेवा सुविधा समेत नदिने गरेको तीर्थाको गुनासो छ ।

उनको गुनासो सुनेपछि सञ्जेलले तत्काल युवतीको उद्धारका लागि पहल गरिने र दोषीमाथि कारबाही प्रक्रिया अघि बढाइने जानकारी दिए । मेनपावरको कमजोरीका कारण समस्या भएको उनले बताए ।

तीर्थाकी आमा सीताले मङ्गलबार सुनसरीको इटहरीमा रहेको विराट इन्टरनेशन टे«ेनिङ सेन्टरका सञ्चालक गोपाल पोखरेलविरुद्ध उजुरी दिएकी छिन् । कार्यालयले त्यस उजुरी उपर छानबिन अघि बढाइसकिएको जनाएको छ । छोरीलाई यातना दिइरहेको कुरा कतार पठाउनेलाई पनि सुनाएको तर वास्ता नगरेको सीताको गुनासो छ । उनले तत्काल छोरीको उद्धारमा सहयोग गर्न र दोषीमाथि कारबाही अघि बढाउन माग गरिन् ।

यता, दलित युवतीलाई कतार पठाएर बिचल्ली बनाएको आरोप लागेका पोखरेलले भने आफ्नै सेन्टरमा तालीम दिए पनि आफूले तीर्थालाई कतार नपठाएको बताए । उनले आफू सम्पर्क व्यत्ति mभएर काठमाडौंको सिन्धुली ओभरसिज नामक मेनपावरलाई जिम्मा लगाएर त्यहीँबाट उनी कतार गएको बताए ।

सञ्जेलले विदेश जानेलाई लक्षित गरेर ट्रेनिङ सेन्टर सञ्चालन गरेर बसेकाले सम्पर्क व्यक्ति बनेर वा आफँै संलग्न भएर कोहीकसैलाई पनि विदेश पठाउन नपाउने जानकारी दिए । ‘विदेश पठाउनका लागि उसको नाममा मेनपवार नै दर्ता हुनुपर्छ,’ उनले भने ।

पोखरेलसँगको सम्पर्कका आधारमा दलित युवतीलाई कतार पठाउने सिन्धुली ओभरसिजका सञ्चालक गौतम केसीले तीर्थालाई कतारमा कुनै पनि समस्या रहेको कुरा आफूले थाहा नपाएको बताए ।

परिवारका सदस्यले समस्या छ भनेर भने पनि कम्पनीले चाहिँ भनेअनुसारकै काम लगाएको भन्ने जानकारी दिएको उनले बताए । कडा कानुन भएको देश कतार भएकाले महिलालाई त्यहाँ दुव्र्यवहार हुने सम्भावना कम रहने केसीको जिकिर छ ।

तीर्थासँगै कतार गएका अन्य ४ जना युवतीले भने आफूहरूलाई सहज लागेको बताएको उनको भनाइ छ । उनले आफू पनि तीर्था र उनका परिवारसँग निरन्तर सम्पर्कमा रहेका कारण युवती पीडित भएको पुष्टि भए उद्धार गरेर नेपाल ल्याउन गाह्रो नहुने बताए ।

 

प्रतिक्रिया दिनुहोस

केराबारीका १५ बर्षीय ...

बेलबारीः मोरङको बेलबारी नगरपालिका वडा नं १ गाइघाट स्थित लोहन्द्रा खोलाको डिल छेउको घारीमा वेवारिसे अ ...

सुनसरीमा थप १६ जना क ...

इटहरी: सुनसरीमा शुक्रवार थप १६ जना कोरोना सङ्क्रमित थपिएका छन् । बीपी कोइराला स्वास्थ्य विज्ञान प्रत ...

कोरोनाविरुद्धको नेपा ...

हेटौँडाः विश्व स्वास्थ्य सङ्गठन (डब्ल्युएचओ)ले हेटौँडास्थित त्रिवि, वनविज्ञान अध्ययन संस्थानको प्रयो ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved