इटहरीः आज बिहान  साढे २ बजे चोरीको मोटरसाइकलसहित २ जनालाई प्रहरीले पक्राउ गरेको छ ।

हिजो बेलुका पौने ९ बजे सुनसरीको इनरुवा– ३ का अरुणकुमार चौधरीको को १८ प ७३६२ नम्बरको मोटरसाइकल हराएको थियो । मोटरसाइकल हराएको जानकारी प्राप्त हुनासाथ जिल्ला प्रहरी कार्यालयबाट प्रहरी निरीक्षकको नेतृत्वमा खटिएको टोलीले सो मोटरसाइकल फेला पारेको थियो ।

इनरुवा–३ स्थित महेन्द्र चोकबाट कुरुवा खोलातर्फ जाने बाटोको राजभर टोलको सडक किनारामा प्रहरीले मोटरसाइकल फेला पारेको थियो । सो मोटरसाइकल चोरीमा संलग्न भारतको विहार मध्यपुरा वसन्तपुर– १५ का १ वर्षीय ओम भनिने एनिसकुमार चौधरी र सुनसरीको इनरुवा– ३ राजभरटोल बस्ने १९ वर्षीय विपिन राजभार पक्राउ परेका हुन् ।

मोटरसाइकल डोहो¥याउँदै जाँदै गरेको अवस्थामा फेला पारी उनीहरूलाई नियन्त्रणमा लिई मोटरसाइकल बरामद गरिएको प्रहरीले जनाएको छ । सुनसरी जिल्ला अदालतबाट ५ दिनको म्याद थप गरी घटनाको बारेमा अनुसन्धान भइरहेको प्रहरीले जनाएको छ ।