धरानः सवारी साधन र शङ्कास्पद यात्रुको शरीर जाँच गर्ने क्रममा आइतबार साँझ साढे ५ बजे धरान– ८ तीनकुने चेकपोष्टबाट लागूऔषधसहित १ जनालाई प्रहरीले पक्राउ गरेको छ ।

इलाका प्रहरी कार्यालयबाट खटिएको टोलीले इटहरीबाट धरानतर्फ आउँदै गरेको सार्वजनिक बसमा सवार धरान – २ का २३ वर्षीय सन्तोष शाहीको झोलामा लागूऔषध फेला पारेको थियो ।

उनको साथबाट लुपिजेसिक ७४ एम्पुल, एभिल ७३ एम्पुल र डाइजेलाप ७३ एम्पुल फेला पारिएको र उनीमाथि अनुसन्धान भइरहेको इलाका प्रहरी कार्यालय धरानले जनाएको छ ।