धरानः इलाका प्रहरी कार्यालय धरानले बुधबार राति १ बजे धरान– १३ सुम्निमा चोकबाट लागूऔषधसहित १ जनालाई पक्राउ गरेको छ ।

गस्तीमा खटिएको प्रहरी टोलीले शङ्कास्पद अवस्थामा हिँडिरहेका धरान–१७ का २६ वर्षीय दनि राईलाई पक्राउ गरिएको जनाएको छ । उनले लगाएको पाइन्टको दायाँ गोजीमा लागूऔषध फेला पारी बरामद गरेको प्रहरीले जनाएको छ ।

उनको साथबाट लुपिजेसिक १० एम्पुल, एभिल १० एम्पुल, डाइजेलाप १० एम्पुल फेला पारिएको प्रहरीको भनाइ छ । प्रहरीका अनुसार उनीमाथि थप अनुसन्धान भइरहेको छ ।