बलात्कारको घटना मेलमिलाप गराउने ७ जना पक्राउ, ३ जना फरार

  • श्रावण २४, २०७६
  • ७६ पटक पढिएको
  • प्रदेश पोर्टल
alt

बेलबारीः बलात्कारको घटनालाई मिलापत्र गराउने मोरङको रंगेलीका ७ जनालाई प्रहरीले पक्राउ गरेको छ । रंगेली नगरपालिका–९ की सुस्त मनस्थितिकी १६ वर्षीया किशोरीमाथि भएको सो अपराधमा मिलापत्र गराउने पक्राउ परेका हुन् ।

प्रहरीका अनुसार ६५ वर्षीय रामबहादुर राजवंशी, ७० वर्षीय निमलाल राजवंशी, ६० वर्षीय शेखर गौतम, ३७ वर्षीय चित्रसेन राजवंशी, ४० वर्षीय अभिनव बजगाई, ३३ वर्षीय दिलिप मुर्मू र ३५ वर्षीय सुवास राजवंशी पक्राउ परेका छन् । उनीहरूलाई प्रहरीले आज सार्वजनिक गरेको छ । पक्राउ परेका सबैविरुद्ध आजै प्रहरीले जबर्जस्ती करणी मुद्दामै अनुसन्धान अघि बढाउन अदालतबाट ४ दिनको म्याद थप गरेको छ ।

बलात्कारको घटनालाई मिलापत्र गराएर सामसुम पार्ने र लेनदेनमा अपराध टुङ्ग्याउन खोज्ने गाउँका १० जना अगुवामध्ये ७ जना पक्राउ परेका हुन् । मिलापत्रमा संलग्न ३ जना फरार छन् । ३५ वर्षीय गणेशप्रसाद दाहाल, ३४ वर्षीय रेवतबहादुर काफ्ले र ५५ वर्षीय चेतबहादुर मगर फरार छन् । उनीहरुको खोजीका लागि प्रहरीको विशेष टोली खटाइएको छ ।

बलात्कारमा संलग्न ३ जनामध्ये २ जनालाई साउन ३ गते पक्राउ गरिएको प्रहरीले जनाएको छ । तिनै जना पीडकले जनही ५० हजार पीडितलाई दिने गरी मिलापत्र भएको बताइएको छ । इलाका प्रहरी कार्यालय रंगेलीका प्रहरी निरीक्षक लेखनाथ दाहालका अनुसार बलात्कारीमध्ये २५ वर्षीय रोमन मगर र २४ वर्षीय प्रिन्स अधिकारी पक्राउ परेका हुन् ।

पक्राउ परेका विरुद्ध जबर्जस्ती करणी मुद्दा चलाउन म्याद थप गरेर अनुसन्धान गर्ने काम भइरहेको प्रहरीले जनाएको छ । घटनामा संलग्न २३ वर्षीय सुनील चौधरी भने फरार छन् ।
घटना सार्वजनिक भएपछि गाउँमा स्थानीय अगुवालाई राखेर बोलाइएको विशेष छलफलमा घटना कहीं पनि सार्वजनिक नगर्ने शर्तमा असार २६ गते मिलापत्र गरिएको थियो । भेलामा पीडित पक्षलाई मिल्न दबाब दिँदै मिलापत्र गराएर उपचार खर्चबापत पीडकबाट १ लाख ५० हजार रुपैयाँ दिलाउने उधारो कागज गराइएको थियो । तिनै जनाले साउन ६ गते भित्रमा पीडितलाई ५०–५० हजार रुपैयाँ दिने मिलापत्रमा उल्लेख छ । तर त्यस अघि नै घटना बाहिरिएपछि लेनदेन भने हुन नपाएको र घटनामा संलग्नलाई पक्राउ गरिएको प्रहरीको भनाइ छ ।

प्रहरीले लामो समयसम्म मिलापत्र गराउनेलाई पक्राउ नगरेका कारण ३ जना फरार रहेको स्थानीयको भनाइ छ । पीडितलाई मिल्न दबाब दिएर गरिएको मिलापत्रको कागजमा १० जनाकै हस्ताक्षर छ । ३ जनाले बलात्कार गरेको पनि मिलापत्रमा उल्लेख गरिएको छ ।

 

प्रतिक्रिया दिनुहोस

मोरङको निगुरो काठमाड ...

बेलबारी: मोरङको पूर्वपश्चिम राजमार्ग देखि उत्तर तर्फको बनमा पाइने निगुराको माग काठमाडौँमा समेत बढ्न ...

शिवधारा–दुधपोखरी ...

  श्रावण लागे पछि देवताहरु पनि हिमाल तिर लाग्छन् भनिन्छ । विशेषता श्रावण महिनामा भगवान शिवको प ...

नयाँ वृन्दावन गाैसला ...

माेरङकाे सुन्दरहरैँचा नगरपालिका ५ स्थित राधेश्याम सेवा ट्रस्ट नयाँ वृन्दावन गाैसलामा गङ्गा अारतीकाे ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved