धरानः बिहीबार साँझ ७ बजे तास खेलिरहेको अवस्थामा इलाका प्रहरी कार्यालय धरानले जनाएको छ । उनीहरूको साथबाट ३ लाख ४ हजार रुपैयाँ नगद र ६ बुक तास बरामद भएको प्रहरीको भनाइ छ ।
धरान– १५ स्थित पिण्डेश्वरी चोकमा सङ्ग्राम सिंह लिम्बूको घरमा जुवाजन्य खेल भइरहेको सूचनाको आधारमा तलासी लिँदा उनीहरू पक्राउ परेको बताइएको छ । प्रहरीका अनुसार जिल्ला प्रशासन कार्यालय सुनसरीमा म्याद थपको प्रक्रिया अघि बढाइएको छ ।
पक्राउ पर्नेमा भोजपुरको पौवादुम्माका ३९ वर्षीय श्रीप्रसाद राई र धरान ३ का ३९ वर्षीय भरतमान राई रहेका छन् । अरु ११ जना धरान–१५ का रहेका छन् ।
पक्राउ पर्ने अन्य व्यक्तिमा ३५ वर्षीय सङ्ग्राम सिंह लिम्बू र जीतबहादुर राई रहेका छन् । ४० वर्षीय मणिकुमार राई, ५३ वर्षीय कल्याण राई, २७ वर्षीय विजय तामाङ र ३७ वर्षीय सुवास राई पक्राउ परेका छन् ।
४८ वर्षीय रविन तामाङ र भोजवीर लिम्बू, ५२ वर्षीय नरेन्द्र गिरी, ४४ वर्षीय टंक मगर र ३३ वर्षीय घनश्याम मगर पनि पक्राउ परेको प्रहरीले जनाएको छ ।
_1720278409.jpg)
