धरानः रातको समयमा धरानमा चोरीका घटना बढ्दै गएका छन् । प्रत्येक दिन प्रहरीले चोरी गरेका सामानसहित चोरहरू पक्राउ गरिरहेको छ ।

मङ्गलबार चोरीको आरोपमा पक्राउ परेका २ जनालाई इलाका प्रहरी कार्यालय धरानले सार्वजनिक गरेको थियो लगत्तै बुधबार पनि चोरीको आरोपमा १ जनालाइ पक्राउ गरी सार्वजनिक गरेको छ ।

धरान–१७ डाँडाघोपा बस्ने वर्ष २२ का मेजर राईलाई प्रहरीले पक्राउ गरी सार्वजनिक गरेको हो । धरान–१७ स्थित आमोश ठटालको घरमा भदौ ६ गते चोरी भएको थियो । उनको घरबाट काँसका थाल, बटुका, करुवालगायतका करीब ५० हजार मूल्य बराबरका भाँडाहरू चोरी भएको भनी प्रहरीमा उजुरी दिएका थिए ।

राईमाथि शङ्का लागी प्रहरीले खानतलासी गर्दा काँसका करुवा ५ थान, लोहोटा १ थान, थाल ३ थान, पूजा थाली १ थान, काँसका बटुका ५ थान भेटिएको थियो । राईलाई पक्राउ गरी थप अनुसन्धानका लागि अदालतबाट म्याद थप गरिएको इलाका प्रहरी कार्यालय धरानका प्रमुख ढुण्डीराज न्यौपानेले बताए ।