पूर्वी नाकाबाट मानव बेचबिखन र ओसारपसार बढ्दै

  • भदौ २०, २०७६
  • ९५ पटक पढिएको
  • प्रदेश पोर्टल
alt

काँकरभिट्टाः भारतको भौगोलिक अवस्था, रहनसहन, बोलीचाली, अनुहार, भेषभुषा नेपालीसँग मिलेका कारण पूर्वी काँकरभिट्टा नाका मानव बेचबिखन तथा ओसारपसारका लागि गिरोहले रोजेको हुन सक्ने १ नम्बर प्रदेश प्रहरी कार्यालयका प्रमुख प्रहरी नायब महानिरीक्षक ठाकुरप्रसाद ज्ञवालीले बताए ।

बिहीबार मानव बेचबिखन तथा ओसारपसारविरुद्घको १३ औँ राष्ट्रिय दिवसका अवसरमा काँकरभिट्टामा आयोजित विशेष कार्यक्रममा बोल्दै उनले यस्तो बताएका हुन् । पूर्वी नाका अन्तर्राष्ट्रिय सिमाना भएका कारण निकै संवेदनशील भएकाले यस्ता नाकाबाट मानव बेचबिखन तथा ओसारपसारका घटना अत्यधिक हुने भएकाले काँकरभिट्टामा कार्यक्रम आयोजना गरिएको उनको भनाइ थियो ।
मानव बेचबिखन तथा ओसारपसारको बदलिँदो स्वरुप, दलालले अपनाउने नयाँ प्रविधि र तरिका एवम् विश्वमा लागूऔषध र हतियारपछिको तेस्रो ठूलो अपराधका रूपमा देखा परेको मानवताविरुद्घको यो सङ्गठित अपराध रोक्न सबै जना एक हुनुपर्नेमा उनको जोड थियो ।

मेचीनगर नगरपालिकाकी उपप्रमुख मीना पोखरेल उप्रेतीले यस्तो अपराध कुनै १ जनाको प्रयासले मात्र नियन्त्रण नहुने भएकाले सबै एकजुट हुनुपर्नेमा जोड दिइन् । मानव बेचबिखनको बदलिँदो रुवरूपसँगै वैदेशिक रोजगारको नाममा आन्तरिक तथा बाह्य रूपमा बेचबिखन हुने गरेको पाइन्छ । नयाँ स्वरूप, बहाना, आश्वासन, प्रलोभनमा परेर झुटो विवाहको बहानामा समेत चेलीबेटी बेचबिखन हुने गरेकाले सबै जना त्यसतर्फ चनाखो हुनुपर्ने उनले बताइन् ।

माइती नेपालका पूर्वाञ्चल संयोजक गोविन्द घिमिरेले बेचबिखनका प्रमुख कारण अशिक्षा र जनचेतनाको कमी, बेरोजगारी, दलालको आर्थिक प्रलोभन, असुरक्षा र हिंसाको स्थिति, बढ्दो शहरीकरण र बसाइँसराइँ, महिला एवम् बालबालिका माथि हुने घरेलु हिंसाको प्रमुख कारण भएको बताए ।

छोरा–छोरीबीचको विभेद, गरीबी, आर्थिक विपन्नता र चाँडो धनी बन्ने वा सुखी जीवन बिताउने महत्वकाङ्क्षा, पश्चिमी खुला छाडा संस्कृतिको प्रभाव र अरुको देखासेखीका कारण कामको खोजीमा महिला विदेशिने गरको उनले अनुभव सुनाए ।

कार्यक्रममा झापा जिल्लाका न्यायाधिवक्ता केशव पन्त, मेचीनगर नगरपालिका वडा नम्बर ६ का वडाध्यक्ष ललितबहादुर तामाङ, झापाका सहायक प्रमुख जिल्ला अधिकारी कृष्णकुमार निरौला, ट्राभल सङ्घ झापाका अध्यक्ष निरबहादुर कार्कीलगायतले आफ्नो धारणा राखेका थिए ।

इलाका प्रहरी कार्यालय काँकरभिट्टा परिसरमा शुरु भएको ¥याली काँकरभिट्टा बजारको मुख्य भागको परिक्रमा गरी पुनः सोही स्थानमा आएर सभामा परिणत भएको थियो । ¥यालीमा चेलीबेटी बेच्ने दलाललाई सामाजिक बहिष्कार गराँै, मानव बेचबिखन हुनबाट आफू पनि बचौँ अरुलाई पनि बचाऔंजस्ता नारा लेखिएका प्लेकार्ड सहभागीले बोकेका थिए ।

इलाका प्रहरी कार्यालय काँकरभिट्टाका प्रहरी नायब उपरीक्षक गोविन्दकुमार कार्कीले कार्यक्रमको औचित्यमाथि प्रकाश पारेका थिए । मेची सामुदायिक प्रहरी सेवा केन्द्रका अध्यक्ष बुद्धिनाथ पौडेलले कार्यक्रममा स्वागत मन्तव्य राखेका थिए ।

police jhapa  (3)

 

प्रतिक्रिया दिनुहोस

पहिलो पाइलाको आयोजना ...

इटहरीः संविधान दिवसको अवसर पारेर पहिलो पाइला नेपाल सुन्दरहरैंचा शाखाले आज नगरव्यापी माविस्तरीय वक्तृ ...

संविधान दिवसको अवसरम ...

इटहरीः सामाजिक सेवाका लागि युवा अभियान (वाइएसएस) नेपाल सुन्दरहरैंचाले सुन्दरहरैंचा ७ को गोठगाउँ चोकम ...

धरानमा भोलिबाट पर्यट ...

धरानः ‘सहभागी बनौँ, अवलोकन गरौँ’ भन्ने नारासहित शनिवारबाट धरानमा तीन दिने इस्ट टुरिजम मा ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved