इटहरीः पाथीभरा एड्भरटाइजिङ प्रालि इटहरी इन्टरनेशनल प्रोफेसनल एचिभमेन्ट अवार्ड २०१९ प्राप्त गर्ने नेपालकै पहिलो विज्ञापन एजेन्सी भएको छ । विज्ञापन एजेन्सी सङ्घ (आन) का प्रदेश नम्बर १ संयोजकसमेत रहेका पाथीभराका सञ्चालक पवन अधिकारीले दुबईमा आयोजित एक कार्यक्रमका बीचमा नेपालकै पहिलो एजेन्सीको रूपमा सो अवार्ड प्राप्त गरेका हुन् ।
नेपाली समय अनुसार शुक्रबार राती १२ दुबईको एभरेष्ट क्लबमा आयोजित कार्यक्रममा उनले नेपाल सरकारका कृषि मन्त्री चक्रपाणि खनालको हातबाट सो अन्तर्राष्ट्रिय अवार्ड प्राप्त गरेका हुन् ।
सिजन मिडिया र पत्रकार महासङ्घ दुबइ शाखाद्वारा संयुक्त रूपमा आयोजना गरिएको कार्यक्रममा अधिकारीसँगै पत्रकारहरू ओम शर्मा, खिला भण्डारी, कृष्ण आचार्य र सुरेश अधिकारीले पनि सो अवार्ड प्राप्त गरेका छन् ।
नेपालका विज्ञापन एजेन्सीमध्ये आफ्नो एजेन्सीलाई उत्कृष्ट ठह¥याई दिइएको सो अवार्डले आफूलाई विज्ञापनको क्षेत्रमा निरन्तर लागि पर्न थप उर्जा प्रदान गरेको अधिकारीले बताए ।
अधिकारीले पछिल्लो समय पाथीभरा जब लिङ्कसमेत सञ्चालनमा ल्याएका छन् ।
_1720278409.jpg)
