इटहरीः असोज २२ गते दिउँसो मोरङको पथरीबाट तरहरा आउने क्रममा मोरङको पथरीशनिश्चरे–९ का प्रदीप राईको हराएको सामान फेला पारी प्रहरीले सम्बन्धित धनीलाई जिम्मा लगाएको छ ।

राईले सामसुङ मोबायल १ थान , आईफोन सेभेलन प्लस १ थान, क्यामेरा १ थान र कपडा भएको निलो रङको ब्याग बसमा छोडेका थिए । सामान हराएको जानकारी उनले प्रहरीलाई गराएपछि सीसीटीभीको माध्यमबाट बसको पहिचान गरी प्रहरीले सामान फेला पारेको थियो । को १ ख ७९८३ नम्बरको बसमा रहेको सामान फेला पारी हिजो सम्बन्धित व्यक्तिलाई बुझाइएको इलाका प्रहरी कार्यालय इटहरीले जनाएको छ ।