कृष्णदासलाई भोलि अदालत पेश गरिने, अस्पतालमै बस्नका लागि भिआइपीसम्म लबिङ

  • मंसिर १४, २०७६
  • ३२६ पटक पढिएको
  • प्रदेश पोर्टल
alt


इटहरी ः आफ्नै अनुयायीलाई बलात्कार गरेको आरोप खेपिरहेका सुनसरीको इटहरी २० स्थायी घरभई चतराधाम बसोबास गर्ने सिद्धबाबा भनिने कृष्णदास गिरीलाई प्रहरीले भोलि अर्थात आइतवार प्रहरीले जिल्ला अदालत सुनसरी पेश गर्ने भएको छ । पिडित भनिएकी महिलाको जाहेरी बिहिबार प्रहरीले दर्ता गरेपछि सुक्रबार अदालतले कृष्णदासलाई पक्रा उगर्न प्रहरीलाई अनुमति प्रदान गरेको थियो । प्रहरीले पक्रा उगर्न अदालतबाट पुर्जी पाउनसाथ कृष्णदास भने बिरामी परेर अस्पताल भर्ना भएका छन् ।
एनि पक्राउ पर्ने पक्कापक्की भएपछि उनको मुटुमा समस्या आएको थियो । लगत्तै हिजो उनि आफ्ना केही अनुयायी सहित बिराट नरसिंह होम भर्ना भएका थिए । उनको प्रहरीको निगरानीमा उपचार भईरहेको छ । कृष्णदासले नाटकिय शैलीमा प्रहरी निगरानीमा अस्पतालमै बस्न मन गरेको आलोचना पनि भईरहेको छ । जिल्ला प्रहरी कार्यालय सुनसरीका अनुसार आइतवार(भोलि) उनलाई एम्बुलेन्समा हालेर भएपनि जिल्ला अदालत पेश गराईने छ ।
प्रहरीले पिडित भनिएकी महिलाको जाहेरी दर्ता गरेसगै अब कृष्णदास बिरुद्ध कानूनी तवरबाट अनुसन्धान हुनेछ । उनलाई आइतबार अदालतमा पेश गरी पहिलो चरणको म्याद थप गरिने छ । म्याद थपसगै प्रहरीले जाहेरीवालाले दिएको निवेदन अनुसारको घटनाको बिषयमा प्रारम्भीक अनुसन्धान गर्ने बाटो खुल्ने छ । पक्राउ परेको २४ घण्टा अगावै म्याद थप गर्नुपर्ने भएकाले उनलाई अस्पतालबाट सिधै अदालत ल्याइने बताइएको छ ।
जवरजस्ती करणी सम्बन्धि मुद्धा भएकाले प्रहरीले पहिलो चरणमा घटनाको वास्तबिकताको अनुसन्धान गर्नेछ । जसमा करणी भएको घटनास्थलको मुचुल्का, महिलाको मेडिकल परिक्षण, आधार प्रमाण संकलन र बयान गराउने छ ।
आरोप लगाउने महिलाले पठाएका फेसबुकका म्यासेज भने बाहिर आइसकेको छ । जसमा ति महिलाले एकोहोरो रुपमा कृष्णदासलाई म्यासेज पठाउदै नजिक हुन खोजेको देखिन्छ ।
घटना भएको कार्तिक ४ गतेको कल डिटेल पनि प्रहरीले आइतबारसम्म निकाल्ने बताइएको छ । महिलाको दाबी अनुसार कृष्णदासले नै फोन गरेर आफुलाई आश्रममा बोलाएको भनिएको छ ।
सुनसरीका प्रहरी उपरिक्षक यज्ञ बिनोद पोखरेलका अनुसार कृष्णदासमाथि लागेको आरोपको बिषयमा प्रारम्भीक अनुसन्धान भइरहेको मात्र जानकारी दिए ।
पक्राउ परेका कृष्णदासको सम्बन्धमा प्रहरीले अब अनुसन्धान गरी सरकारी वकिलको कार्यालयमा मुद्दा चलाउनु पर्ने या नपर्ने भन्नेबारे रायसहितको सुझाव बुझाउने छ । प्रहरीले २५ दिनभित्र रायसहितको सुझाव पेश गर्नेछ ।
सरकारी वकिलको कार्यालयले प्रहरी प्रतिवेदनको विश्लेषण गरी मुद्दा चलाउनु पर्ने देखिएको अवस्थामा जिल्ला अदालत सुनसरीमा मुद्दा दायर गर्नेछ । त्यसपछि थुनछेकको बहस हुनेछ । करणी प्रयास प्रमाणित भएमा कम्तिमा तीन वर्ष कैद र ३० हजारसम्म जरिवाना हुने कानुनी व्यवस्था छ ।
हिरासतमा नबस्ने अडान
कृष्णदासले प्रहरी हिरासतमा नबस्ने अडान लिएका छन् । उनले सरकारका माथिल्लो निकाय तथा नेताहरुलाई फोन गरी अनुसन्धान पुरा नहुन्जेलसम्म अस्पतालमै बस्ने व्यवस्था मिलाइदिन आग्रह गरेका थिए ।
उनको पक्षमा बिराटनगरका ठुला उद्योगी व्यवसायीले पनि अस्पतालमै बस्ने वातावरण मिलाउन माथिल्लो निकायमा ‘लबिङ’ गरिहेका छन् । यता घटनाको अनुसन्धानमा पूर्ण रुपमा कृष्णदासले सघाउने पक्षमा रहेको उनि निकट एक व्यवसायीले बताए । अस्पताल स्रोतका अनुसार उनको स्वास्थ्य अवस्था भने सामान्य छ । बिराटनगर नर्सिङ होममा पुग्दा कृष्णदासले पत्रकारसँग बोल्न मानेनन् । उनले ‘समय आएपछि बोल्छु’ भन्ने जवाफ मात्र दिएका छन् ।
काठमाडौंस्थित महानगरीय प्रहरी परिसर र केन्द्रीय अनुसन्धान ब्युरो (सिआइबी) मा जाहेरी लिन नमिलेपछि पिडित भनिएकी महिलाले शुक्रबार जिल्ला प्रहरी कार्यालय सुनसरीमा जवरजस्ती करणी सम्बन्धि मुद्धा दर्ता गरिन् ।
लगतै सुक्रवार कृष्णदास बिरुद्ध सुनसरी जिल्ला अदालतले पक्राउ गरी अनुसन्धान गर्न अनुमति दिएको थियो । तर सुक्रबार बिहानदेखि कृष्णदासको मुटुमा समस्या देखिएको भन्दै उनलाई प्रहरीको निगरानीमा बिराटनगरको बिराट नर्सिङ होममा भर्ना भएका थिए ।

 

प्रतिक्रिया दिनुहोस

केराबारीका १५ बर्षीय ...

बेलबारीः मोरङको बेलबारी नगरपालिका वडा नं १ गाइघाट स्थित लोहन्द्रा खोलाको डिल छेउको घारीमा वेवारिसे अ ...

सुनसरीमा थप १६ जना क ...

इटहरी: सुनसरीमा शुक्रवार थप १६ जना कोरोना सङ्क्रमित थपिएका छन् । बीपी कोइराला स्वास्थ्य विज्ञान प्रत ...

कोरोनाविरुद्धको नेपा ...

हेटौँडाः विश्व स्वास्थ्य सङ्गठन (डब्ल्युएचओ)ले हेटौँडास्थित त्रिवि, वनविज्ञान अध्ययन संस्थानको प्रयो ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved