इटहरीःप्रहरीले इटहरी ८ कदमा टोलबाट स्वचालित पेस्तोल सहित दुई जनालाई पक्राउ गरेको छ । सो टोलको सार्वजनिक बाटोमा चेंक जाँच गर्ने क्रममा दुई जनालाई ५ थान गोलि लोड गरिएको एक थान स्वचालित पेस्तोल सहित उनिहरुलाई पक्राउ गरिएको हो ।
को ९ प ७४८६ नम्बरको मोटरसाईकलमा खटिएका प्रहरीले मोरङको सुन्दरहरैंचा ४ बस्ने ३३ बर्षीय जागिर खान र सुनसरीको हरिनगरा गाँउपालिका वडा नम्बर ७ का ४७ बर्षीय जमिल अन्सारीलाई स्वचालित हतियार सहित पक्राउ गरिएको इलाका प्रहरी कार्यालय इटहरीले जनाएको छ ।
प्रहरीका अनुसार जागिरको दाहिने पट्टीको कम्मरको भागको पेटीले बाधेकोे अवस्थामा फलामले बनेको कम्पनीको नाम नम्बर नखुलेको म्यागजिन जडान गरिएको स्वचालित पेस्तोल बरामद गरिएको इलाका प्रहरी कार्यालय इटहरीका सूचना अधिकृत प्रहरी निरिक्षक मानप्रसाद श्रेष्ठले बताए । ७.६५ एमएम लेखिएको ५ थान गोलि लोड गरिएको अवस्थामा स्वचालित पेस्तोल फेला पारेको श्रेष्ठले बताए । पक्राउ परेकाहरुमाथि आवश्यक अनुसन्धान भईरहेको श्रेष्ठले जनाए
।
_1720278409.jpg)
