निर्माण उपकरण जलाउने समूह नियन्त्रण गरिनेः गृहमन्त्री थापा

  • माघ ७, २०७६
  • २७२ पटक पढिएको
  • प्रदेश पोर्टल
alt

इटहरीः नेपाल निर्माण व्यवसायी महासङ्घले बढ्दो असुरक्षाका कारण निर्माण व्यवसायीले काम गर्ने वातावरण नभएको भन्दै गृहमन्त्री रामबहादुर थापाको गम्भीर ध्यानाकर्षण गराएको छ ।
महासङ्घका महासचिव रोशन दाहाल नेतृत्वको प्रतिनिधिमण्डलले आज गृहमन्त्री थापासमक्ष दिनहुँजसो व्यवसायीका उपकरण जलाइएकोमा कडा आपत्ति जनाउँदै भरपर्दो सुरक्षाको माग गरेको हो । जवाफमा गृहमन्त्री थापाले निर्माण व्यवसायीका उपकरणलाई सुरक्षाको पूर्ण प्रत्याभूति दिइने आश्वासन दिएको महासङ्घका प्रवक्ता टङ्कप्रसाद चौलागाँई जानकारी दिए । मन्त्री थापाले अज्ञात समूहका आपराधिक गतिविधि धेरै नियन्त्रणमा आइसकेको उल्लेख गर्दै त्यस्ता गतिविधिलाई अब पूर्ण नियन्त्रण गरिने प्रतिबद्धता जनाए। जलाइएका उपकरणको क्षतिपूर्ति दिन सरकारले नीति नै ल्याउन लागेको जानकारी उनले दिएको प्रवक्ता चौलागाईँले बताए ।

महासङ्घ प्रतिनिधिमण्डलले आजै प्रतिनिधिसभा विकास समितिका सभापति कल्याणी खड्कालाई निर्माण व्यवसायीका उपकरणमाथिको सुरक्षा चिन्ताबारे अवगत गराएको छ । जवाफमा सभापति खड्काले विकास समितिको बैठकमा यस विषयमा छलफल गरिने जानकारी दिइन्।

महासङ्घ प्रतिनिधिमण्डलमा मानार्थ सदस्य रहनु भएका सांसद जिपछिरिङ लामा शेर्पा, पूर्वअध्यक्ष तथा सल्लाहकार रमेश शर्मा, कार्यसमिति सदस्य मङ्गल शाही, निर्माण व्यवसायीहरु कमल गौतम, सहदेव खड्का, कार्यालय प्रमुख प्रेमसिंह ऐरलगायत रहेका थिए ।

अज्ञात समूहले आइतबार मोरङको मिक्लाजुङ गाउँपालिकाअन्तर्गत आइतबारेमा तीन वटा एक्साभेटरमा आगजनी गर्दा रु तीन करोड ५० लाखभन्दा बढीको क्षति भएको महासङ्घले जनाएको छ । किसानचोक–रमिते–आइतबारे–टाँडी सडक खण्ड निर्माणमा प्रयोग भइरहेको शर्मा–भीमेश्वर जेभी कम्पनीको एक्साभेटरमा आगजनी गरिएको थियो ।

झापाको सेतुमारीमा आइतबार अज्ञात समूहले शर्मा एण्ड कम्पनीको स्वामित्वको एउटा एक्साभेटर र ब्याक्हो लोडरमा आगजनी गरेको महासङ्घले जनाएको छ । केही समयअघि बेनी नगरपालिका बगुवखोला नजिक निर्माण व्यवसायी सङ्घ म्याग्दीका अध्यक्ष नारायण घर्ती क्षेत्रीको स्वामित्वका तीन एक्साभेटरमा आगजनी गरिएको थियो ।

राष्ट्रिय गौरवको आयोजना मध्यपहाडी लोकमार्गअन्तर्गत भोजपुर दिक्तेल सडकखण्ड निर्माण गरिरहेको गोल्डेन गुड शेर्पा कन्स्ट्रक्सन प्रालिको स्वामित्वको चार एक्साभेटरमा केही समयअघि आगजनी हुँदा करिब रु चार करोड बराबराको क्षति भएको महासङ्घले जनाएको छ ।

प्रतिक्रिया दिनुहोस

सोलुखुम्बुमा मदन स् ...

सोलुखुम्बुः तेश्रो मदन स्मृति कप प्रदेश १ स्तरीय पुरुष भलिबल प्रतियोगिता सोलुखुम्बुमा मंगलबारबाट शुर ...

सडक कालोपत्र भए ...

सुरुङ्गाः  बाह्रदशी गाउँपालिका–१ भागुडुब्बा बजारदेखि पश्चिम बिरिङखोलाको किनारसम्म सडक का ...

काेशीमा जेटवाेट बन् ...

इटहरीः फागुन १ गते देखि बन्द भएकाे सप्तकाेशी नदीकाे जेटवाेट अझै सुचारू हुन सकेकाे छैन । स्थानीयकाे अ ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved