इटहरीमा पहिलो पटक जेरी,पुरी खुवाउने हिरा होटलका संचालक हिरा महतोको निधन

इटहरीःइटहरीमा पहिलो पटक जेरी(जुलेभी) पुरी अनि मिठाईका परिकार खुवाउने हिरा होटल एण्ड मारवाडी बासाका संचालक पुराना होटल व्यवसायी हिरा महतोको निधन भएको छ । इटहरीमा ३५ बर्षअघिबाट होटल संचालन गर्दै आएका सामाजिक सेवामा समेत सक्रिय महतोको हृदयघातका कारण उपचारका क्रममा वी.पी. कोईराला स्वास्थ्य विज्ञान प्रतिष्ठानमा राती निधन भएको हिरा महतो हो ।
इटहरीको मुख्य चौंकको उत्तर पश्चिमको कुना हालको आकेस कलेक्सन भएको स्थानमा सानो छाप्री बनाएर होटल सुरु गरेका उनले सफलता गरेका थिए । हाल उनको प्रदेश ट्राफिक कार्यालय इटहरी पश्चिमतर्फ आफ्नै खाना बस्न सहितको हिरा होटल छ । इटहरी चौंकको पश्चिम लक्ष्मिबैंक छेउमा पुरानो होटल संचालित नै छ । जहाँ जेरी,पुरी, सिंगडा, मिठाईका परिकार, चिया, सुख्खा रोटी, सादा खाना पाईन्छ । उनको होटलमा इटहरीका मात्र नभई नेपालका हरेक क्षेत्रका उपभोक्ताहरुले नास्ता, खाना खाएका छन् । सस्तो, सुलभ दररेटमा उनले आन्तरिक तथा बाह्य पर्यटकहरुलाई खाना र बाँसको व्यवस्था गर्दै आएका थिए ।
व्यवसायसगै उनि इटहरीको समाजिक सेवा कार्यमा पनि उत्तिकै सक्रिय थिए । उनले इटहरीमा रहेका सामाजिक संघ संस्था , शैक्षिक प्रतिष्ठान, व्यवपारीक प्रतिष्ठान, राजनितिक पार्टी लगायतलाई आफुले सकेको आर्थिक सहयोग समेत गरेका छन् । उनकै सक्रियतामा इटहरीको गंगा जमुना मुक्ति घाटमा बर्षेनी हुने छैठ पर्वलाई व्यवस्थित बनाउने कार्यको सुरुवात भएको थियो । छैठ पर्वलाई सबै जाति र समुदाय सहभागीता गराउनमा उनको ठूलो योगदान गरेको छ । जीवनको ३५ बर्षबढी इटहरीमा सेवा गरेर बसेका हिरा महतो नेपाली नागरिक हुन भने पाएनन् । उनि भन्दा पछि व्यवसाय गर्न भारतबाट इटहरी आएका धेरै मारवाडीहरुले मोटो रकम खर्च गरेर नेपाली नागरिकता लिएका थिए । तर, ३५ बर्षबढी इटहरीमै रहेर व्यवसायको अलवा समाजिक कार्यमा सक्रिय भएका उनले अनेकौ प्रयास गर्दा समेत उनले नेपाली नागरिक हुन पाएनन् । नेपाली नागरिक बनाईदिने भन्दै उनलाई इटहरीका बिभिन्न राजनितिक दलका नेता,केही व्यवसायी र इटहरी उपमहानगरका कर्मचारीहरुले दुहुनो गाई बनाएको उनले पटक पटकको भेटमा दुखेसो पोख्दै आएका थिए । उनले भन्ने गरेका थिए– ‘मलाई नागरिकता नदिएपनि म नेपालको इटहरीमै रहेर सेवा गर्छु, यही मर्न चाहान्छु ।’ उनले भने झै अन्तिम श्वास नि नेपालमा नै फेरेका छन् ।
होटल व्यवसायी संघ इटहरीका संस्थापक समेत रहेका उनको पार्थिक शरिर धरानबाट इटहरी ल्याउने तयारी भईरहेको होटल व्यवसायी संघ इटहरीका अध्यक्ष जीवन पराजुलीले बताए । उनले हिरा महतोको निधनले इटहरीको व्यवसाय र समाजिक सेवा क्षेत्रमा अपुरणीय क्षति भएको बताए । कसैको चित्त नदुखाई ३ दशकबढी व्यवसायसंगै समाजिक कार्यमा सर्मपित महतोको निधनले स्तब्ध बनाएको उनले जनाए । उनको निधनप्रति इटहरीका सामाजिक अभियान्ता, व्यवसायी, उद्योगी, शिक्षासेवी, होटल व्यवसायीहरुले समाजिक सञ्जाल मार्फत गहिरो दुःख व्यक्त गर्नुका साथै श्रद्धाञ्जली अर्पण गरेका छन् ।