धनकुटा: धनकुटा नगरपालिका २ त्रिसुलेमा आइतबार दिउँसो दुई यात्रुबाहक बस एक आपसमा ठक्कर खादाँ सात जना यात्रु घाइते भएका छन् ।
कोशी लोकमार्गमा संखुवासभा बाट धरान तर्फ आउँदै गरेको को १ ख ५१०५ नम्बरको यात्रु बाहक बस र धरानबाट धनकुटा मारेकटहरे तर्फ जादैँ गरेको को १ ख ७८८० नम्बरको यात्रुबाहक बस टर्निङमा परी उक्त दुर्घटना भएको हो । उक्त दुर्घटमा परी घाइते हुनेमा संखुवासभा चैनपुर नगरपालिका २ बस्ने वर्ष ७० का सिहंमान तामाङको टाउको,छाति,घुडाँमा चोट लागेको छ, त्यसैगरी धनकुटा महालक्ष्मी नगरपालिका १ बस्ने वर्ष ७६ की निरमाया अधिकारी सहित अन्य पाचँ जना घाइते भएका हुन् ।
उनीहरुको विजयराज अस्पताल हिलेमा उपचार भईरहेको प्रदेश नम्बर एक ट्राफिक प्रहरी कार्यालय इटहरीले जानकारी दिएको छ ।
दुबै सवारी चालक र बसलाई प्रहरी चौकी हिलेको नियन्त्रणमा राखिएको प्रहरीले बताएको छ ।