इटहरी: सुनसरीमा टिपरको ठक्करबाट पाँच वर्षीय बालकको मृत्यु भएको छ ।

सुनसरीको बराहक्षेत्र–५ बस्ने मन्जु राजधामीको ५ वर्षीय छोरा सुजन राजधामीको टिफरको ठक्करबाट मृत्यु भएको हो ।

बिहीबार साँझ नहडाबाट कालाबन्जर तर्फ आउँदै गरेको को १ ख ५७६५ नम्बरको टिफरले बाटो क्रस गर्दै गरेका बराहक्षेत्र–५ बस्ने मन्जु राजधामीको ५ बर्षीय छोरा सुजन राजधामीलाई ठक्कर दिएको थियो ।

उक्त दुर्घटनामा परि गम्भीर घाइते बनेका ५ वर्षीय बालकलाई थप उपचारको लागि काठमाण्डौं लाँदै गर्दा आज बिहान ३ बजे मृत्यु भएको प्रहरीले जनाएको छ । ठक्कर दिने टिफर र टिफर चालक प्रदिप चौधरीलाई प्रहरीको नियन्त्रणमा लिइएको छ ।