इटहरी: कारोना भाइरसबाट बच्न तथा सरसफाइमा ध्यान दिने तरिका सिकाउन इटहरीमा निःशुल्क मास्क वितरण गरिएको छ । आज बिहान ११ बजेबाट इटहरी चोकमा मास्क वितरण गरिएको हो ।
लायन्स क्लब अफ इटहरी संस्थाको अगुवाइमा भएको मास्क वितरण तथा कोरोनाबाट बच्न आवश्यक सफाइका स्टेपहरु समेत सिकाइएको थियो ।
बजारमा मास्कको अभाव भएको गुनासो आएपछि इटहरीमा रहेको कोसेली घरमा उत्पादित करिब ६५० पिस माक्स निःशुल्क मास्क वितरण र हात कसरी सफाइ गर्ने भनी जनचेतनामूलक कार्यक्रम गरिएको लायन्स क्लब अफ इटहरीकी प्रथम अध्यक्ष रञ्जु सिग्देलले बताइन् । कार्यक्रममा लायन्स क्लब अफ इटहरीका अध्यक्ष नबराज काफ्ले र सचिव सोमनाथ गौतमले सहजिकरण गरेका थिए ।
_1720278409.jpg)
