इटहरीः घरयासी विवादमा घरेलु हतियार प्रयोग गरि धनकुटाको छथर जोरपाटी गाँउपालिकामा श्रीमतिले श्रीमान्को हत्या गरेकी छन् ।
धनकुटाको छथर जोरपाटी गाँउपालिका ४ पानी ट्याङ्की निवासी धनमाया लिम्बुले श्रीमान् ४७ बर्षीय इन्द्रबहादुर लिम्बुको हत्या गरेकी हुन् ।
सोमबार बिहान घरयासी विवाद हुँदा श्रीमति धनमायाले घरेलु हतियार र लाठ्ठी प्रहार गरि श्रीमान् इन्द्रबहादुरको हत्या गरेकी हुन् ।
हत्यामा संलग्न धनमायालाई प्रहरीले पक्राउ गरेको छ । घटना स्थलबाट श्रीमान हत्यामा प्रयोग गरिएका घरेलु हतियार बराद गरिएको प्रहरीले जनाएको छ । उनीमाथि थप अनुसन्धान थालिएको जिल्ला प्रहरी कार्यलय धनकुटाले जनाएको छ ।