बेलबारीः बर्खे धानबालीमा ५० प्रतिशत अनुुदान दिने नीति तथा कार्यक्रम अनुसार बेलबारी नगरपालिकाले किसानहरुलाई बिभिन्न जातका धानका बीउ वितरण गरेको छ । चालु आर्थिक बर्षको नीति तथा कार्यक्रम अनुसार ७ लाख बराबरको ९ हजार ७ सय ४५ केजी बिभिन्न जातका धानको बीउ किसानहरुलाई वितरण गरिएको बेलबारी नगरपालिकाकी उपमेयर ढाकाकुमारी(तारा) पराजुलीले बताइन् । उनका अनुसार नगरपालिकाले अनुदानको बीउ वितरणका लागि सार्वजनिक रुपमै सबै वडाबासीहरुलाई सूचना जारीगरि निवेदन पेश गर्न आग्रह गरिएको थियो । सबै वडाका किसान तथा किसानका कृर्षी फर्महरुले बिभिन्न जातका धानका बीउहरु प्राप्त गरेको उनले बताइन् । उनका अनुसार नगरपालिकाले किसानको माग अनुसार बर्खे धानखेतीका लागि रन्जित, राधा १२, साम्बा सब, कान्छी मन्सुली, सरना सब लगायत जातका बीउ वितरण गरिएको हो ।
_1720278409.jpg)
