इटहरीः सुनसरीको बराहक्षेत्र नगरपालिका ५ जम्टोकीस्थित भित्रि सडकमा हिजो भएको सवारी दुर्घटनामा परी एक जनाको ज्यान गएको छ ।
ज्यान गुमाउनेमा स्थानीय पैदलयात्री ५५ वर्षीय हिरालाल चौधरी रहेको क्षेत्रीय ट्राफिक प्रहरी कार्यालय इटहरीले जनाएको छ । प्रहरीका अनुसार सडक पार गर्ने क्रममा चतराबाट पकलीतर्फ आइरहेको को १ ख २८५४ नम्बरको माइक्रोले ठक्कर दिँदा गम्भीर घाइते भएका उनलाई उपचारार्थ धरानस्थित बीपी कोइराला स्वास्थ्य विज्ञान प्रतिष्ठान लगिएको थियो ।
उपचारका क्रममा चौधरीको साँझ ७ बजे ज्यान गएको प्रहरीको भनाइ छ । दुर्घटना गराउने माइक्रोका चालक २८ वर्षीय बमबहादुर चौहानलाई नियन्त्रणमा लिई अनुसन्धान सुरु गरिएको प्रहरीले जनाएको छ ।
_1720278409.jpg)
