इटहरीः मोरङको विराटनगरस्थित कोसी प्रोजेक्टमा हिजो भएको सवारी दुर्घटनामा एक जनाको ज्यान गएको छ ।

मृत्यु हुनेमा भारतीय नागरिक रहित मियाँ रहेको १ नम्बर प्रदेश ट्राफिक प्रहरी कार्यालय इटहरीले जनाएको छ । प्रहरीका अनुसार सडकमा हिँडिरहेका मियाँलाई ज ९ २७७५ नम्बरको मोटसाइकलले ठक्कर दिँदा उनको ज्यान गएको हो ।

मोटरसाइकल चालक सुनिल थापासमेत दुर्घटनामा घाइते भएकाले उनलाई उपचारार्थ विराटनगरस्थित न्युरो अस्पताल पठाइएको जिल्ला प्रहरी कार्यालय मोरङका प्रमुख प्रहरी नायब उपरीक्षक (डीएसपी) मानबहादुर राईले बताए । घाइते चालक थापा प्रहरी कर्मचारी रहेको उनको भनाइ छ ।