इटहरीः झापाको बिर्तामोड नगरपालिका ६स्थित पूर्वपश्चिम राजमार्गमा भएको सवारी दुर्घटनामा परी दुई जना पुरुषको घटनास्थलमै ज्यान गएको छ ।

हालसम्म सनाखत हुन नसकेका दुवै पुरुष मे २ प ४८४७ नम्बरको मोटरसाइकलमा सवार भई पश्चिमबाट पूर्वतर्फ जाने क्रममा दुर्घटनामा परेको जिल्ला प्रहरी कार्यालय झापाका प्रहरी नायब उपरीक्षक (डीएसपी) राकेश थापाले बताए । उनका अनुसार आज बिहान ११ः२५ बजे पश्चिमबाट पूर्वतर्फ गइरहेको ना ६ ख ३३५० नम्बरको ट्रकले ठक्कर दिएको थियो ।

दुर्घटना गराउने ट्रकका चालक दुर्घटनालगत्तै फरार भएकाले निजको खोजी जारी रहेको प्रहरीले जनाएको छ । यसैगरी मृतकको पहिचान खुलाउने प्रयास भइरहेको प्रहरीको भनाइ छ ।