महिला हिंसा विरुद्धको १६ दिने अभियान आजबाट सुरु, इटहरी, र धरानमा हिंसाको अवस्था कस्तो छ ?

  • मंसिर १०, २०७७
  • २३३ पटक पढिएको
  • शंकर खत्री
alt

इटहरीः आज महिलाविरुद्ध हुने हिंसा अन्त्यका लागि अन्तराष्ट्रिय दिवस । आजैका दिनबाट महिला हिंसा विरुद्धको १६ दिने अभियान पनि सञ्चालन हुने गर्छ ।

हरेक वर्षको २५ नोभेम्बरदेखि १० डिसेम्बरसम्म १६ दिन लैङ्गिक हिंसाका विरुद्ध विभिन्न कार्यक्रम गरी यो दिवस मनाइन्छ । सन् १९९९ मा संयुक्त राष्ट्रसंघको महासभाले नोभेम्बर २५ लाई महिला हिंसा विरुद्धको दिवसका रुपमा मनाउने निर्णय गरेको हो । त्यस बेलादेखि विश्वभर महिला हिंसा विरुद्धको १६ दिने अभियान सुरु भएको हो । यसैबीच, प्रदेश १ मा रहेको दुई उपमहानगरपालिकाले विभिन्न कार्यक्रम गरी महिला हिंसा विरुद्धको १६ दिने अभियान मनाउने भएका छन् ।

सुनसरीमा रहेको इटहरी र धरान उपमहानगरपालिकाले भौतिक उपस्थिति र भर्चुअल रुपमा कार्यक्रम गर्न लागेका हुन् । १६ दिनसम्म चल्ने सो अभियानको आज औपचारीक कार्यक्रम गरी उद्घाटन गरिएको हो । सोही क्रममा धरान तथा इटहरीमा हिंसाका घटना बढेको सम्बन्धित पालिकाका उपप्रमुख र इलाकाका प्रमुखले जानकारी दिएका छन् ।

itahari 1

इटहरीको न्यायिक समितिमा लैङ्गिक हिंसाको घटना दोस्रो स्थानमा
इटहरी उपमहानगरपालिकामा रहेको न्यायिक समितिमा दर्ता हुने मुद्दाहरुमा लैङ्गिक हिंसाका मामिला दास्रो स्थानमा रहेको इटहरीकी उपप्रमुख लक्ष्मी गौतमले जानकरी दिइन् । ‘पालिकाको न्यायिक समितिमा दर्ता हुने मुद्दाहरुमा पहिलो नम्बरमा जग्गाको विवाद छ । दोस्रो नम्बरमा लैङ्गिक हिंसाका घटनाहरु दर्ता भएका छन् । लैङ्गिक हिंसामा पनि ८० प्रतिशत महिला हिंसाका घटनाहरु हाम्रोमा आएका छन्’, उनले भनिन् । उनले पुरुषहरुको हिंसाका घटनाहरु केही मात्रामा आए पनि तेस्रो लिङ्गीहरुविरुद्ध हुने हिंसाको घटनाबारे उजुरी नगरमा अहिलेसम्म नआएको जानकारी दिइन् ।

‘हाम्रोमा केही मात्रामा जेष्ठ नागरिक पिडित भएको घटना आएका छन् । अहिलेसम्म हाम्रोमा तेस्रो लिङ्गीहरु हिंसामा परेको घटना आएका छैनन् । पुरुषहरु पनि हिंसामा पर्ने गरेका घटनाहरु आउने गरेका छन् । यो वर्ष उपमहानगरको न्यायिक समितिमा दर्ता भएका मुद्दामा पुरुष हिंसाका १० प्रतिशत घटना आएका छन्’, उनले भनिन् । उनले लैङ्गिक हिंसा कम गर्न इटहरीमा सामुदायिक मेलमिलाप केन्द्र पनि स्थापना गरिएको जानकारी दिइन् ।

‘हामीले लैङ्गिक हिंसा कम गर्न उपमहानगरका प्रत्येक वडाहरुमा सामुदायिक मेलमिलाप केन्द्र स्थापना गरेका छौँ । उपमहानगरको न्यायिक समितिमा हामी तीन जना मात्र हुन्छौँ यसले सबै ठाउँको गुनासो सुन्न हामी असक्षम हुन्छौँ । यही विषयलाई ध्यान दिएर हामीले प्रत्येक वडाहरुमा ती केन्द्रहरु बनाएका हौँ । हामी वडामा आएका समस्यालाई त्यहीँ बुझेर त्यहीँ समाधान पनि गर्छौँ’, उनले भनिन् । इटहरीमा आज एक कार्यक्रम गरी औपचारीक रुपमा महिला हिंसा विरुद्धको १६ दिने अभियानको शुभारम्भ गरिएको छ ।

पुरुष हिंसाका घटना पनि दर्ता भएका छन्ः डि.एस.पी अर्जुन केसी
इटहरी उपमहानगरपालिका, नगर महिला सञ्जाल र इलाका प्रहरी कार्यालय इटहरीको साझेदारीमा उपमहानगरको प्रांगणमा सो कार्यक्रम गरिएको थियो । सोही कार्यक्रममा बोल्दै इलाका प्रहरी कार्यलय इटहरीका प्रहरी प्रमुख प्रहरी नायब उपरीक्षक (डीएसपी) अर्जुन केसीले इटहरीमा महिलासँगै पुरुष पनि हिंसामा परेका घटना दर्ता भएको जानकारी दिए । ‘इलाका प्रहरी कार्यालयमा यो वर्ष महिलासँगै पुरुष हिंसाका घटना पनि दर्ता भएका छन् । गत वैशाखदेखि अहिलेसम्म १२ वटा पुरुष हिंसाका ‘केस’ हामीकहाँ दर्ता भएका छन् । तीबाहेका विवाहित महिला त्यो पनि २० देखि ३० वर्ष उमेर समुहका बढी पीडित बनेको घटना आउने गरेका छन् । अहिले हामीकहाँ दैनिक पाँचदेखि सात वटा लैङ्गिक हिंसाका घटना आउने गरेका छन्’, उनले भने ।

उनले लैङ्गिक हिंसाका घटना न्यूनीकरण गर्न इटहरी उपमहानगरपालिका र सम्बन्धित सबैसँग समन्वय गरेर अगाडि बढेको जानकारी दिए । ‘हामीले लैङ्गिक हिंसाका घटना कम गर्न इटहरी उपमहानगरपालिका र वडाध्यक्षहरुसँग समन्वय गरेर १६ दिने कार्यक्रम पनि हामी सञ्चालन गर्दैछौँ । यसका अलबा हामीले समुदाय–प्रहरी साझेदारी कार्यक्रमअन्र्तगत महिला हिंसाका घटना तथा अन्य सामाजिक विषयमा पनि काम गरिरहेका छौँ’, उनले भने । साथै इलाका प्रहरी कार्यालयमा आउने गरेका मुद्दाहरुलाई हेरेर मेलमिलाप गराउने र कानूनी कारबाही गर्ने काम पनि गरिरेको डीएसपी केसीले जानकारी दिए ।

धरानमा भर्चुअल माध्यमबाट १६ दिने अभियानको औपचारीक उद्घाटन
यसैबीच, सुनसरीको धरान उपमहानगरपालिकाले बिहान ११ बजे ‘जुम एप’ मार्फत् कार्यक्रम गरी महिला हिंसा विरुद्धको १६ दिने अभियानको शुभारम्भ गरेको छ । उपमहानगरपालिकाकी उपप्रमुख मञ्जु भण्डारी (सुवेदी)ले भर्चुअल माध्यमबाट कार्यक्रमको औपचारिक उद्घाटन गरेको र १६ दिनभरि विभिन्न जानचेतनामूलक कार्यक्रम गरेर मनाउने जानकारी दिइन् । ‘हामीले जुम एपमार्फत् १६ दिने अभियानको औपचारिक उद्घाटन गरेका छौँ । उपमहानगर तथा वडाका जनप्रतिनिधिहरुसँग आन्तक्रिया कार्यक्रम गरेर हामी कार्यक्रमको सुरुवात गर्दैछौँ । हामीले अन्तक्रिया कार्यक्रममार्फत् वडा तथा टोल टोलमा भएका महिला हिंसाका घटनाहरुबारे वडाध्यक्षहरुसँग जानकारी लिँदैछौँ । त्यसपछि १६ दिनसम्म हामी विभिन्न कार्यक्रम गरी महिला हिंसा विरुद्धको अभियान मनाउँदै छौँ’, उनले भनिन् ।

उनले आजदेखि बस्ती बस्तीमा पुग्नेगरी सचेतना कार्यक्रम पनि सुरु गर्ने जानकारी दिइन् । उनले धरान उपमहानगरपालिकामा लैङ्गिक हिंसा नै भएको भने एउटा पनि घटना दर्ता नभएको जानकारी दिइन् । ‘अहिलेसम्म उपमहानगरको न्यायिक समितिमा लैङ्गिक हिंसाकै घटना भनेर दर्ता भएको छैन । माना चामल भरिपाउँ, खान नपाएको र अपहेलनामा परेको भन्दै जेष्ठ नागरिक र महिलाबाट घटना दर्ता हुने गरेका छन् । हामीले महिला हिंसासँगै अन्य घटनाहरुको पनि न्ययिक समितिबाट न्याय निरुपण गर्ने गरेका छौँ’, उनले भनिन् । उनले महिलासँग पुरुष पीडित हुने घटनाको संख्या पनि दिनप्रतिदिन बढ्दै गएको बताइन् ।

‘लैङ्गिक हिंसा भन्नेबित्तिकै महिला मात्र नभएर यसमा पुरुषमाथि हुने हिंसा र तेस्रो लिङ्गीमाथि हुने हिंसा पनि पर्छ । हामीकहाँ पुरुषमाथि हुने हिंसा पनि गत वर्षको तुलनामा बढेको छ । हामीकहाँ पुरुषहरु पनि हिंसामा परेको भन्दै रुदैँ कराउँदै आउनुहुन्छ’, उनले भनिन् । उनले विशेषगरी धरानमा वैदेशिक रोजगारिमा गएका पुरुष बढी हिंसामा परेको बताइन् ।

हिंसाका घटनाबारे लिखितभन्दा मौखिक मुद्दा बढी आउँछन्ः डीएसपी ज्ञानेन्द्र बस्नेत
इलाका प्रहरी कार्यालय धरानका प्रमुख प्रहरी नायब उपरीक्षक (डीएसपी) जानेन्द्र बस्नेतले इलाकामा कानूनी र मौखिक रुपमा हिंसाका घटनाहरु आउने गरेको बताए । ‘हामीकहाँ मुद्दा दर्ता नै गरेरभन्दा पनि मौखिक रुपमा बढी मुद्दा आउने गरेका छन् । मौखिक रुपमा खासगरी घरायसी मुद्दाहरुः खान नदिएको, हेलामा परेको, दुरव्यवहार गरेको मुद्दा बढी आउने गरेका छन् । त्यसलाई हामी मुद्दाको गम्भीरता हेरेर मेलमीलाप र कानूनी रुपमा मुद्दा दर्ता नै गरेर हिंसामा परेकालाई न्याय दिने गरेका छौँ’, उनले भने ।

उनले धरानमा महिला हिंसाका घटना पनि बढ्दै गएको र बालिका यौन दुरव्यवहारका घटना पनि बढेको बताएका छन् । ‘धरानमा महिला हिंसाका घटनाहरुमा यौन दुरव्यवहारका घटना पनि आउने गरेका छन् । त्योसँगै बाल यौन दुरव्यवहारका घटना पनि दर्ता हुने गरेका छन्’, उनले भने । उनले आर्थिक वर्ष २०७६÷०७७ मा महिला हिंसाका घटना बढेको जानकारी दिएका छन् । ‘अघिल्ला वर्षहरुको तुलनामा यो आर्थिक वर्षमा महिला हिंसाका घटना बढेको छ । यो वर्षमा मात्र हाम्रोमा एक सय ५१ वटा महिला हिंसाका घटना दर्ता भएका छन्’, उनले भने ।

प्रतिक्रिया दिनुहोस

रकम अभावमा हड्डीको क्यान्सरबाट पीडित बालिकाको उपचार प्रभावित

इटहरीः खोटाङको नुन्थला १३ घर भएकी हड्डीको क्यान्सरबाट पीडित १० वर्षीया बालिका सरिता विश्वकर्मालाई उप ...

दाहसँस्कार भइसकेको राजतन्त्र ब्युँताउनु निरर्थकः पहाडी

इटहरीः सुनसरीको इटहरीस्थित कबिर माध्यमिक विद्यालयमा आज मानव अधिकार तथा शान्ति समाज सुनसरी शाखाले एक ...

वियोगान्त प्रेमकथामा उदय भट्टराईको "किन माया लाउँछ" सार्बजनिक (भिडियो सहित)

इटहरीः धागो राम्रो घुम्ने चर्खाको, कति मिठो बोलि, पाइलै पिच्छे जरो खन्छ्यौ रे, यो बैंशमा रुन पर्याछ, ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved