इटहरीः सुनसरीको इटहरी उपमहानगरपालिका ५ मा रहेको डेनाली अटो इन्टरप्राइजेजमा प्रहरीले छापा मारी चोरी गरिएको मोटरसाइकल बरामद गरेको छ ।
गत मंसिर २३ गते बिहान ७ः३० बजे मोरङको सुन्दरहरैँचा नगरपालिका १० स्थित कफी क्लब अगाडिको सडकबाट हराएको को १५ प ५९८९ नम्बरको रोयल इन्फिल्ड ब्राण्डको कलेजी रङको बुलेट मोटरसाइकलको पार्टपुर्जा खोली बा ४८ प ३८८३ नम्बरको खैरो रङको बुलेट मोटरसाइकलमा जोड्दै गरेको अवस्थामा प्रहरीले दुवै मोटरसाइकल बरामद गरेको इलाका प्रहरी कार्यालय इटहरीका सूचना अधिकारी प्रहरी निरीक्षक केशवकुमार कट्वालले बताए ।
मोटरसाइकलका पार्टपुर्जा जोड्ने कार्यमा संलग्न सोही ग्यारेजमा कार्यरत इटहरी ८ घर भएका १९ वर्षीय मोहम्मद पूर्वानलाई पक्राउ गरिएको उनको भनाइ छ । सो इन्टरप्राइजेजका सञ्चालक फरार रहेको बताउँदै निरीक्षक कट्वालले पक्राउ परेका अभियुक्तलाई बरामद गरिएका मोटरसाइकलसहित इलाका प्रहरी कार्यालय बेलबारी पुर्याइएको जानकारी दिए । अभियुक्तलाई हिरासतमा राखी घटनाको अनुसन्धान सुरु गरेको प्रहरीले जनाएको छ ।
_1720278409.jpg)
