इटहरीः उदयपुरको उदयपुरगढी गाउँपालिका ७ अँधेरी खोलास्थित मदन भण्डारी राजमार्गमा भएको आज भएको सवारी दुर्घटनामा परी एक जनाको घटनास्थलमै मृत्यु भएको छ ।

मृत्यु हुनेमा उदयपुरकै कटारी नगरपालिका ४ घर भएका ३५ वर्षीय फर्सबहादुर कार्की रहेको १ नम्बर प्रदेश ट्राफिक प्रहरी कार्यालय इटहरीले जनाएको छ । आज दिउँसो १२ः३० बजे पश्चिमबाट पूर्वतर्फ आइरहेको ना २ क ९ नम्बरको टिपरले ठक्कर दिँदा सडकमा पैदल यात्रा गरिरहेका कार्कीको ज्यान गएको हो ।

दुर्घटना गराउने टिपर जिल्ला ट्राफिक प्रहरी कार्यालयको नियन्त्रणमा रहेको छ भने चालक दुर्घटनालगत्तै फरार रहेकाले उनको खोजी भइरहेको प्रहरीले जनाएको छ । प्रहरीका अनुसार चालकको लापरबाहीका कारण दुर्घटना भएको हो ।