इटहरीः धरान प्रहरीले सुनसरीको धरान उपमहानगरपालिका १५, सयपत्री मार्गबाट २ थान पेस्तोल र १ थान खाली म्याग्जिनसहित २ जनालाई पक्राउ गरेको छ । ईलाका प्रहरी कार्यालय धरानबाट खटिएको प्रहरीले लिम्बुको घर तलासी गर्ने क्रममा उक्त हातहतियार फेला पारी उनीहरुलाई पक्राउ गरेको हो ।

पक्राउ पर्नेहरूमा सोही ठाउँ बस्ने २७ वर्षीय देबी बहादुर लिम्बु र २६ वर्षीय रनसुर राई रहेको इलाका प्रहरी कार्यालय धरानले जनाएको छ । पक्राउ पर्नेहरुमाथि आवश्यक अनुसन्धान थालिएको प्रहरीको भनाइ छ ।