इटहरीः कोरोना महामारीका कारण गत वर्षको चैत ११ गते देशव्यापी लकडाउन सुरु भएयता संघीय राजधानी काठमाडौँमा अलपत्र परेका बेरोजगार तथा गरिब सर्वसाधारणलाई निःशुल्क भोजन उपलब्ध गराउँदै आएको ‘हाम्रो टिम नेपाल’ ले आज सडक पेटीमा कष्टकर जीवनयापन गरिरहेका सर्वसाधारणलाई न्यानो ब्ल्याङ्क्ट वितरण गरेको छ ।

आफ्नै अगुवाइमा निःशुल्क वितरण हुने खाना खान थापाथलीस्थित प्रसुतिगृहपछाडि भेला भएका सर्वसाधारणलाई टिमले ब्ल्याङ्केट वितरण गरेको हो । टिमका अध्यक्ष बिमल पन्तका अनुसार दाताहरुबाट संकलित ब्ल्याङ्केट वितरण गरी टिमले सर्वसाधारणलाई चिसोबाट बचाउने प्रयास गरेको हो ।