इटहरीः सुनसरीको इटहरी १२ स्थित कोसी लोकमार्गमा शुक्रबार साँझ भएको सवारी दुर्घटनामा परी एक जनाको ज्यान गएको छ ।

मृत्यु हुनेमा मोरङको उर्लाबारी नगरपालिका–१ का ४१ वर्षीय साइकलयात्री मनोज खनाल रहेको १ नम्बर प्रदेश ट्राफिक प्रहरी कार्यालय इटहरीले जनाएको छ । लोकमार्गमा दक्षिणबाट उत्तरतर्फ गइरहेको बीआर ०१ जीडी १४५८ नम्बरको ट्रकको ठक्करबाट गम्भीर घाइते भएका खनाललाई उपचारार्थ धरानस्थित बीपी कोइराला स्वास्थ्य विज्ञान प्रतिष्ठान लगिएकोमा उपचारका क्रममा उनको राति करिब ८ः२० बजे ज्यान गएको प्रहरीको भनााइ छ । उनी साँझ ६ः४५ बजे दुर्घटनामा परेका थिए । दुर्घटना गराउने ट्रक र त्यसका चालक भारतीय नागरिक भोगेन्द्र दासलाई पक्राउ गरी अनुसन्धान सुरु गरिएको प्रहरीले जनाएको छ ।