इटहरीः ताप्लेजुङको मेरिङदेन गाउँपालिका ३ स्थित दोभान बजारमा भएको भीषण आगलागीबाट ३५ घर जलेर नष्ट भएका छन् ।
स्थानीय भोला पौडेलको घरमा विद्युत् चुहावट भई सुरु भएको आगलागीले उग्र रुप लिएको स्थानीय गणेश कार्कीले जानकारी दिए । तिव्र गतिमा चलिरहेको हावाका कारण आगलागी व्यापक रुपमा फैलिएको जिल्ला प्रहरी कार्यालय ताप्लेजुङका प्रमुख बालनरसिंह राणाले बताए । उनका अनुसार आगलागी नियन्त्रणका लागि ताप्लेजुङ तथा छिमेकी जिल्ला पाँचथरको दमकल परिचालन गरिएको छ ।
स्थानीय तथा प्रहरीको संयुक्त प्रयासका बावजुद आगलागी नियन्त्रणमा आउन नसकेको उनले बताए । केही समयअघि ताप्लेजुङकै प्रसिद्ध तिर्थस्थल पाथीभरा क्षेत्रमा सामुदायिक वनमा आगलागी हुँदा रातो पाण्डा (हाब्रे) को बासस्थान विनाश भएको थियो ।
_1720278409.jpg)
