इटहरीः मोरङको रतुवामाई नगरपालिका ४ मा एक आठ वर्षीया बौद्धिक अपाङ्गता भएकी बालिकामाथि गत शुक्रबार बलात्कार भएको छ ।

घाँस काट्न मकैबारीमा गएका बेला स्थानीय ६६ वर्षीय वृद्ध फौदीलाल मुखियाले बालिकालाई बलात्कार गरेको जिल्ला प्रहरी कार्यालय मोरङका प्रवक्ता प्रहरी नायबउपरीक्षक (डीएसपी) मानबहादुर राईले बताए । उनका अनुसार बालिकाका अभिभावकले दर्ता गराएको किटानी जाहेरीका आधारमा अभियुक्त मुखियालाई आज पक्राउ गरिएको उनको भनाइ छ ।

उनका विरुद्ध जबर्जस्ति करणी अभियोगमा जिल्ला अदालत मोरङबाट म्याद थप गराई अनुसन्धान सुरु गरिएको प्रहरीले जनाएको छ । पीडित बालिकाको कोसी अस्पताल विराटनगरमा स्वास्थ्य परीक्षण गरिएको छ ।