इटहरीः पाँचथरको फाल्गुनन्द–५ स्थित सुलुम्फीमा ट्याक्सी दुर्घटना हुदा सवार एकको मृत्यु भएको छ ।

मृत्यु हुनेमा इलामको फाकफोकथुम–७ एकतप्पाका २२ वर्षीय पदम लिम्बू रहेको १ नम्बर प्रदेश प्रहरी कार्यालय विराटनगरले जनाएको छ । पाँचथरबाट झापातर्फ आइरहेको मे १ ज ४१६ नम्वरको ट्याक्सी आज बिहान पौने ११ बजे उकालोमा अचानक ब्रेक फेल भई सडकछेउमा पल्टिँदा सवार लिम्बू गम्भिर घाइते भएकोमा उनलाई उपचारार्थ जिल्ला अस्पताल पाँचथर लैजाने क्रममा बाटोमा नै उनको ज्यान गएको जिल्ला प्रहरी कार्यालय पाँचथरलाई उदृत गर्दै १ नम्बर प्रदेश प्रहरी कार्यालय विराटनगरले जनाएको छ ।