इटहरीः पाँचथरको कुम्मायक गाउँपालिका स्थित वानथाकमा भएको स्काभेटर दुर्घटनामा परी एक जनाको ज्यान गएको छ ।

मृत्यु हुनेमा दोलखाको तामाकोसी ३ स्थित परानेगाउँ घर भएका २८ वर्षीय स्काभेटर अपरेटर पवन महत रहेको जिल्ला प्रहरी कार्यालय पाँचथरले जनाएको छ । प्रहरीका अनुसार आज दिउँसो १२ बजे मध्यपहाडी लोकमार्गको ट्रयाक खन्ने क्रममा महतले चलाएको ना १ क ८३२१ नम्बरको स्काभेटर सडकबाट चिप्लिएर पाँच सय मिटर तल झरेको थियो । दुर्घटनामा परेका चालक महतको घटनास्थलमै ज्यान गएको प्रहरीको भनाइ छ ।