ओखलढुङ्गाः २५ वर्षीया महिलामाथि बलात्कार गरेको अभियोगमा ओखलढुङ्गाको मानेभञ्ज्याङ गाउँपालिका–५ रिचुवाबाट प्रहरीले एक जनालाई पक्राउ गरेको छ ।

पक्राउ पर्नेमा सोही ठाउँ घर भएका २४ वर्षीय जनक राई रहेको जिल्ला प्रहरी कार्यालय ओखलढुङ्गाले जनाएको छ । सोमबार पक्राउ परेका अभियुक्त राईले बिहीबार राति नै महिलालाई बलात्कार गरेको प्रहरीको भनाइ छ । आफ्नै घरबाट पक्राउ परेका अभियुक्तमाथि जबर्जस्ति करणी अभियोगमा कारबाहीका लागि जिल्ला अदालत ओखलढुङ्गाबाट म्याद थप गराई अनुसन्धान सुरु गरिएको प्रहरीले जनाएको छ ।